Escola Galega de Administración Pública
Mapa web   |   Accesibilidade   |   Contacto
EGAP EGAPFORMACIÓN MULTIMEDIA ACTUALIDADE COÑECEMENTO
  • 1.-Información básica

    Escola Galega de Administración Pública Polígono das Fontiñas, Rúa de Madrid, 2-4 15707 Santiago de Compostela, A Coruña – España

    Correo electrónico: egap@xunta.gal Teléfono: 981 546 040

    Horario de atención ao público: de luns a venres de 9 a 14 h Horario da biblioteca: de luns a xoves de 9 a 19 h. Venres de 9 a 15 h. Horario de apertura das instalacións: de luns a venres de 7.30 h a 20.30 h. Horario da cafetería: de luns a venres de 7.45 h a 20 h

    2- Normativa vixente

    3- Funcións e competencias

    Fins da EGAP:

    • Ofrecer unha formación actualizada e de calidade aos empregados públicos das administracións públicas da Comunidade Autónoma de Galicia, que incorpore as modalidades máis innovadoras e que promova a conciliación laboral e familiar dos seus destinatarios.
    • Servir de elemento dinamizador das melloras administrativas e tecnolóxicas que se incorporen na xestión das administracións públicas.
    • Investigar, documentar, estudar e realizar traballos de divulgación no campo da Administración pública, dándolle a máxima difusión.
    • Promover os intercambios de coñecementos e experiencias con outros organismos semellantes das administracións públicas, a nivel nacional e internacional.
    • Ser un foro de debate permanente cunha visión plural das temáticas de impacto social ou de importancia no funcionamento e mellora das administracións públicas.
    • Capacitar lingüisticamente no idioma galego aos empregados das administracións públicas.

    Organización:

    4- Plans e actuacións

    • Plan de formación anual. A Escola publica anualmente un documento marco no que se reflicten as actividades de formación continua para todos os colectivos, coa pretensión de dotar de unidade e coherencia ao conxunto da oferta da Escola.
    • Aposta polas modalidades non presenciais. A EGAP leva varios anos incrementando progresivamente a porcentaxe de actividades en teleformación, un tipo de ensinanza que permite reducir custos e fai posible a conciliación da vida familiar e laboral. Ademais, introduciu a modalidade de autoformación e a videoconferencia.
    • Formación práctica. Todos os cursos da EGAP inclúen unha porcentaxe mínima do 25% de horas prácticas, o que garante a transferencia efectiva dos coñecementos ao posto de traballo.
    • Formación en lingua galega. A Escola convoca cursos medio e superior de linguaxe administrativa galega para os empregados públicos, tanto na modalidade presencial coma na de teleformación.
    • Formación en linguas estranxeiras. A EGAP aposta pola ensinanza de linguas estranxeiras coa impartición de cursos de portugués, inglés, francés e alemán.
    • Formación en tecnoloxías da información e da comunicación. Desde 2011 impártense as materias do Plan Formativo Ofimática de Galicia, o cal permite aos empregados públicos galegos o dominio de ferramentas ofimáticas; ademais doutros cursos relacionados con este eido.
    • Potenciación da formación para mandos intermedios. A Escola ofrece cursos de perfeccionamento de xefes de sección e negociado. Así mesmo, impártese formación para conseguir o Diploma de directivo ou directiva da Xunta de Galicia.
    • Centro de información e debate. A EGAP consolidouse como foro de debate de cuestións de actualidade relacionadas coa Administración pública a través da celebración de xornadas e cursos monográficos.
    • Edición de publicacións periódicas. A Escola edita dúas revistas de carácter científico: a REGAP, de carácter xurídico-administrativo, e Administración&Cidadanía, en materia de socioloxía e ciencias políticas. O acceso é libre e gratuíto a través da páxina web da Escola. Así mesmo, edítanse obras monográficas sobre distintas materias relacionadas coa Administración pública.
    • Calidade. A EGAP garante a calidade da formación tanto a priori, testando os propios destinatarios da formación en relación coas súas necesidades formativas, como a posteriori, mediante o seguimento da demanda real rexistrada e os resultados das enquisas de avaliación.

    5- Contratación

    Perfil do contratante Co fin de asegurar a transparencia e o acceso público á información relativa á súa actividade contractual, a EGAP difunde a través da rede o seu perfil de contratante. Máis información aquí.

    6- Convenios de colaboración

    A Escola asina anualmente convenios de colaboración que poden ser consultados aquí e aos que lles dá difusión a través do DOG (ver ligazón).

    7- Axudas e subvencións

    A EGAP convoca anualmente bolsas de formación que abarcan diferentes eidos relacionados coa formación e coa Administración Pública. Máis información aquí. A EGAP convoca anualmente subvencións destinadas ao financiamento de plans de formación das entidades locais de Galicia. Máis información aquí.
     

    8- Información sobre altos cargos  

    Perfil biográfico, traxectoria profesional e retribucións

    9- Información económica

    Estado de ingresos e gastos. Máis información aquí
    Período medio de pagamento a provedores. Máis información aquí
    Conta xeral. Máis información aquí

    10- Calidade

    11- Códigos éticos e de bo goberno

    Código ético institucional da Xunta de Galicia. Máis información aquí
  •   Contratación Pública  
SIGUENOS ...
 
Matrícula
 
AULA VIRTUAL
 
CONTIDOS RELACIONADOS
 
CONTACTO
© Xunta de Galicia. Información mantida e publicada na internet pola Xunta de Galicia
Oficina de Rexistro e Información | Suxestións e queixas | Aviso legal | Atendémolo/a | RSS
Ir a información de Xacobeo 212