O Centro

A EGAP é un centro de ensino formado por tres andares. Na planta baixa están o rexistro, o servizo de Informática, o servizo de Estudos e Publicacións, o salón de actos, a sala de exposicións, catro aulas de docencia, dúas aulas de informática e a cafetería do centro cun comedor. Na primeira planta atópanse a biblioteca, a parte superior do salón de actos, a Dirección, a Secretaría Xeral, o servizo Económico-Administrativo, seis aulas e dous seminarios. Na segunda planta localízanse a parte superior da biblioteca, o servizo de Xestión e Selección das Actividades de Formación, o servizo de Programación das Actividades de Formación, a Unidade de Investigación, dúas aulas de informática, dez aulas de docencia e dous seminarios.