A situación económica que estamos atravesando nos últimos anos motivou unha profunda reflexión sobre a estrutura, competencias e ética na forma de prestar os seus servizos as administracións públicas. Como consecuencia de todo isto, revisáronse un bo número de normas e publicáronse outras que incorporaron innovadoras apostas por mellorar o funcionamento das nosas administracións. A profunda revisión da normativa vén reclamando unha análise polo miúdo das principais novidades.
Por estes motivos, o monográfico convocado pola EGAP, en colaboración coa Fundación Santiago Rey Latorre, pretende dar a coñecer as principais modificacións producidas no Dereito administrativo, afondando na súa análise e obtendo as conclusións necesarias para a súa mellor aplicación.
Esta actividade vai dirixida aos empregados das administracións públicas de Galicia, tanto autonómica como local e de xustiza, das universidades do Sistema Universitario de Galicia, persoal das entidades do sector público, xuristas, profesionais e persoas interesadas en xeral.
Datas: 24 e 25 de setembro
Duración: 12 horas lectivas
Horario: día 24 horario de mañá e tarde, día 25 horario de mañá
Lugar: Santiago de Compostela (sede da EGAP, rúa Madrid 2-4)
Matrícula: ata o 22 de setembro en http://egap.xunta.gal/matricula
Máis información:
PU15012