A Escola Galega de Administración Pública celebrará o próximo 11 de xuño unha xornada destinada a formular posibles liñas de reforma das entidades locais desde unha perspectiva financeira. Durante esta actividade trataranse polo miúdo a sustentabilidade financeira da administración local, a situación financeira e os proxectos de reforma, o marco constitucional do control financeiro, o desenvolvemento autonómico da Lei 27/2013 e a situación financeira e os proxectos de reforma local en Alemaña.