Benchmarking

• • 
  • 
  • 
  •  
  •  

As administracións públicas operan cada vez máis en contornos cambiantes e competitivos, de xeito que precisan unha permanente adaptación e anticipación que lles permita afrontar os retos que se lle presentan con garantías de éxito.

A comparación e o estudo da maneira de proceder doutras entidades de referencia é unha técnica de alto interese para a mellora continua da EGAP.

¿Que é o Benchmarking?
Aprender doutros a través dun proceso sistemático e continuo de avaliación dos procesos e servizos que levan a cabo organizacións recoñecidas como representantes das mellores prácticas. Isto permite identificar a maneira máis adecuada de executar boa parte dos procesos ou servizos que son comúns a distintas organizacións.

¿Cal é a súa finalidade?
O obxectivo último que se persegue é a realización das actividades propias da escola mediante a posta en marcha das melloras oportunas a partir do aprendido doutras entidades públicas, foros ou comunidades. Para que as actuacións de benchmarking produzan os resultados esperados é preciso que se fundamenten nas premisas de aprendizaxe compartida, cooperación e respeto polo traballo desenvolto polas demais persoas.

Algunhas actuacións levadas a cabo pola EGAP
Entre os contactos con entidades homólogas noutras CCAA é posible referir as seguintes:

• Instituto Vasco de Administración Pública (IVAP).
• Escuela de Administración Pública de Castilla y León (ECLAP).

Por outra parte, a EGAP incrementou a súa presenza en foros e xornadas destinadas a abordar a temática da Calidade na Administración Pública, como por exemplo:

• Tercer Congreso de Excelencia en la Gestión en las Administraciones Públicas. Organizada por Q-EPEA (grupo de entidades públicas do País Vasco comprometidas coa procura da excelencia na xestión). Donostia, 3 e 4 de xuño de 2010.
• VI Jornadas de Modernización y Calidad. Situaciones difíciles, soluciones innovadoras. Organizada polo Concello de Málaga e a Federación Española de Municipios y Provincias, en colaboración coa Agencia de Evaluación y Calidad e a Asociación Española para la Calidad. Málaga, 22 e 23 de abril de 2010.

O Código de conduta europeo para benchmarking constitúe unha ferramenta para avanzar na profesionalidade e na eficacia das actividades de aprendizaxe. Está baseado no código de conduta de APQC / SPI, promovido polo Centro Internacional de Benchmarking.